• Rruga "Muhedin Llagami", Objekti MD, Kompleksi Delijorgji, Tiranë
  • info@ip.gov.al

NJOFTIM PËR SHPALLJE VENDE VAKANTE

  • Njoftime

Në zbatim të ligjit nr. 99/2024, “Për inspektimin në Republikën e Shqipërisë”, të ligjit nr. 7961, datë 12.07.1995, “Kodi i Punës në Republikën e Shqipërisë”, i ndryshuar, të VKM nr. 330, datë 11.06.2025, “Për organizimin dhe funksionimin e Inspektoratit të Përgjithshëm”, të VKM nr. 712, datë 26.11.2025, “Për përcaktimin e rregullave të hollësishme për funksionimin e komisionit të rekrutimit dhe ecurisë në karrierë”, të VKM nr. 778, datë 19.12.2025, “Për përzgjedhjen, emërimin, vlerësimin e rezultateve në punë, disiplinën, shkarkimin dhe lirimin nga detyra të kryeinspektorit, inspektorit të Inspektoratit të Përgjithshëm”, Urdhrit të Kryeministrit nr. 144, datë 02.09.2025, “Për miratimin e strukturës dhe të organikës së Inspektoratit të Përgjithshëm”, VKM nr. 893, datë 04.11.2015 “Për organizimin dhe funksionimin e Inspektoratit Kombëtar të Mbrojtjes së Territorit” i ndryshuar, Urdhrit të Kryeministrit nr. 22, datë 03.02.2020 “Për Miratimin e Strukturës dhe Organikës së Inspektoratit Kombëtar të Mbrojtjes së Territorit” i ndryshuar, si dhe Rregullores së Brendshme të IKMT, miratuar me Urdhrin e Ministrit nr. 424, datë 25.11.2020, si dhe në vijim të njoftimit për shpallje të datës 16.06.2026,

Inspektorati i Përgjithshëm shpall procedurën e pranimit të kandidatëve për jashtë sistemit të inspektimit, duke qenë se pas përfundimit të procedurës së lëvizjes paralele dhe ngritjes në detyrë nuk ka kandidatë të kualifikuar për pozicionin:

  1. POZICIONI VAKANT
  • Pozicioni: Përgjegjës Sektori, në Sektorin e Inspektimit të Industrive dhe Veprimtarisë Prodhuese
  • Struktura: Drejtoria e Inspektimit te Mjedisit dhe Ujërave
  • Institucioni: Inspektorati Kombëtar i Mbrojtjes së Territorit

Numri i vendeve vakante 1 (një)

– Klasa III-2

  1. KRITERET E PËRGJITHSHME DHE TË POSAÇME

Kandidati duhet të plotësojë këto kritere:

  • Të jetë shtetas shqiptar;
  • Të kenë zotësi të plotë për të vepruar;
  • Të zotërojë gjuhën shqipe, të shkruar e të folur;
  • Të jetë në kushte shëndetësore që e lejojnë të kryejë detyrën përkatëse;
  • Të mos jetë i dënuar me vendim të formës së prerë për kryerjen e një krimi apo për kryerjen e një kundërvajtjeje penale me dashje;
  • Të mos ketë masë disiplinore largimi nga puna 5 vitet e fundit;
  • Të ketë aftësi shumë të mira komunikimi dhe prezantimi;
  • Të zotërojë Diplomë master shkencor ose profesional 120 kredite me kohëzgjatje  2 vite akademike,  në shkencat e Inxhinierisë së Mjedisit, Klima dhe Mjedisi, Kimi Industriale, Mbrojtje Mjedisi, Agromjedis Ekologji.
  • Diplomat e marra jashtë vendit duhet të jenë të njehsuara sipas legjislacionit shqiptar në fuqi;
  • Të ketë njohuri të legjislacionit Shqiptar në fushën e mjedisit dhe kuadrit rregullator përkatës;
  • Të ketë përvojë profesionale jo më pak se 3-5 vjet në fushën e mjedisit, monitorimit mjedisor, vlerësimit të ndikimit mjedisor ose fusha të ngjashme.
  • Të ketë njohuri dhe përvojë në zbatimin e sistemeve të menaxhimit mjedisor.
  • Të ketë aftësi në hartimin e raporteve teknike, analizave dhe dokumentacionit tekniko-ligjor në fushën e mjedisit dhe të Ujërave.
  • Të ketë aftësi shume të mira organizative, koordinuese dhe drejtuese për menaxhimin e veprimtarisë së sektorit.
  • Të ketë njohuri shumë të mira në përdorimin e programeve bazë kompjuterike  ( MS Office, Word, Excel, PowerPoint)
  • Të jenë njohës të gjuhës angleze ose një gjuhe tjetër të Bashkimit Europian.
  • Preferohet të ketë trajnime, konferenca dhe certifikime në fushën e e kërkuar dhe administrimit publik.
  • Studimet pasuniversitare, ndjekja e studimeve doktorale, aktiviteti akademik dhe publikimet shkencore në fushën e mjedisit përbëjnë avantazh në procesin e përzgjedhjes
  1. PËRSHKRIMI I PËRGJITHSHËM I DETYRËS
  • Kryen inspektime për zbatimin e dispozitave ligjore për industritë dhe veprimtaritë prodhuese që shfrytëzojnë rezervat ujore, shkarkojnë në trupa ujorë, shkaktojnë ndotje të peizazhit të subjekteve që nuk kanë një autorizim/leje mjedisore nga autoritetet përgjegjëse për lejimin dhe licencimin e aktiviteteve të tilla;
  • Organizon dhe drejton punën në sektor, programon ngarkesën e punës të sektorit në përgjithësi, ndan detyrat si dhe zonat e mbulimit, për çdo specialist dhe ndjek zbatimin e tyre sipas afateve përkatëse;
  • Mban përgjegjësi të drejtpërdrejt për realizimin e detyrave të sektorit;
  • Ndjek dhe kontrollon punën për trajtimin efektiv dhe brenda afateve, të praktikave të korrespondencës administrative, të adresuar pranë sektorit;
  • Organizon punën për përgatitjen dhe paraqitjen për miratim ose dijeni pranë instancave  eprore të programeve të punës, materialeve me karakter informues dhe/ose propozues, informacioneve statistikore;
  • Kontrollon punën e vartësve dhe në rast se vëren mangësi, bën propozimet përkatëse në instancat shtetërore për marrjen e masave disiplinore;
  • Jep mendimin e tij për aktet procedurale të mbajtura nga Sektori në varësi, si dhe për probleme të veçanta që ngarkohen për trajtim dhe vlerësim dhe ia paraqet eprorit;
  • Nënshkruan personalisht të gjitha aktet e dala dhe procedurat/procesverbalet e mbajtura nga sektori;
  • Në përputhje me programin vjetor të punës, përgatit programet mujore në nivel sektori dhe drejton punën për zbatimin rigoroz të tyre;
  • Harton metodika kontrolli për njohjen dhe zbatimin e ligjit nga drejtoritë rajonale të Inspektoratit Kombëtar të Mbrojtjes së Territorit, në përputhje me objektin e veprimtarisë së sektorit;
  • Ndjek drejtpërdrejt ushtrimin e veprimtarisë së inspektimit dhe kontrollit për zbatimin e ligjshmërisë në përputhje me objektin e veprimtarisë së sektorit që mbulon dhe informon eprorët mbi konkluzionet përkatëse.

IV. DOKUMENTACIONI I NEVOJSHËM PËR APLIKIM

Kandidatët duhet të dorëzojnë:

  • Kërkesë me shkrim për aplikim;
  • Jetëshkrim i plotësuar sipas formatit europass;
  • Fotokopje të diplomës (përfshirë edhe listën e notave) e noterizuar. Për diplomat e marra jashtë
  • Republikës së Shqipërisë të përcillet njehsimi nga Ministria e Arsimit;
  • Fotokopje të letërnjoftimit (ID);
  • Vërtetim të gjendjes shëndetësore;
  • Vërtetim i Prokurorisë së Rrethit;
  • Vërtetim i Gjykatës së Rrethit të Shkallës së Parë;
  • Dëshmi Penaliteti;
  • Çdo dokumentacion tjetër, fotokopje të librezës së punës (të gjitha faqet që vërtetojnë eksperiencën në punë), vlerësimin e fundit nga eprori direkt, vërtetimin nga institucioni që nuk ka masë disiplinore në fuqi; trajnimet, kualifikimet, arsimin shtesë, gjuhë të huaj, vlerësimet pozitive apo të tjera të përmendura në jetëshkrimin tuaj.

V. AFATET DHE MËNYRA E APLIKIMIT

Dokumentet dorëzohen pranë Inspektoratit të Përgjithshëm, Adresa: Rr. “Muhedin Llagami”, Kompleksi Delijorgji, Godina MD Business, Kati 8, Tiranë. 

Afati i fundit: 09/07/2026

Rezultatet e Vlerësimit Paraprak

  • Shpallja e listës paraprake të kandidatëve që përmbushin kriteret dhe kërkesat e posaçme për procedurën nga jashtë sistemit 13/07/2026

Testimi me shkrim do të zhvillohet në datën 30/07/2026, ora 10:00 dhe Intervista me gojë do të zhvillohet në datën 30/07/2026, ora 12:00, pranë Inspektoratit të Përgjithshëm, me adresë: Rruga “Muhedin Llagami”, Kompleksi Delijorgji, Godina MD Biznes, Kati i 8, 1023, Tiranë.

VI. FUSHAT E TESTIMIT

Fusha e njohurive, aftësitë dhe cilësitë mbi të cilat do të zhvillohet testimi me shkrim:

  • Ligjin nr. 99/2024 “Për inspektimin në Republikën e Shqipërisë”;
  • Ligjin nr. 44/2015 “Kodi i procedurave administrative i Republikës së Shqipërisë”;
  • Ligjin nr. 9131, datë 08.09.2003, “Për rregullat e etikës në administratën publike”;
  • Ligjin nr. 9780/2007 “Për Inspektimin dhe Mbrojtjen e Territorit nga Ndërtimet e Kundërligjshme” I ndryshuar me Aktin Normativ nr. 9 datë 01.10.2025;
  • Njohuritë mbi ligjin nr. 10448/2011 i ndryshuar me nr.52/2020 “Për Lejet e Mjedisit”;
  • Njohuritë mbi ligjin nr 9115/2003 i ndryshuar me ligjin nr. 34/2013 “ Për Trajtimin Mjedisor të Ujërave të Ndotura”;
  • Njohuritë mbi ligjin nr. 10431/2011 i ndryshuar me ligjin nr. 53/2020 “ Për Mbrojtjen e Mjedisit”;
  • Njohuritë mbi ligjin nr. 29/2024 “Për Burimet Ujore”.

VII. MËNYRA E VLERËSIMIT TË KANDIDATËVE

Në vlerësimin e kandidatëve përfshihen:

  1. Testimi me shkrim, deri në 60 (gjashtëdhjetë) pikë;
  2. Intervista me gojë deri në 30 (tridhjetë) pikë;
  3. vlerësimi i dokumentacionit, vlerësimin e përvojës, të trajnimeve të lidhura me fushën e inspektimit dhe vlerësimin e rezultateve në punë 10 pikë;

Vijojnë takimet intensive të Inspektorit të Përgjithshëm, me Kryeinspektorët e inspektorateve shtetërore dhe drejtuesit e trupave inspektuese

Vijojnë takimet intensive të Inspektorit të Përgjithshëm, z. Dashnor Sula, me Kryeinspektorët e inspektorateve shtetërore dhe drejtuesit  e trupave inspektuese aktuale, të cilat do ti nënshtrohen ristrukturimit dhe riorganizimit të trupave inspektuese në inspektorate qendrore, në zbatim të ligjit për inspektimin nr. 99/2024.

Gjatë takimeve u theksua rëndësia e angazhimit të plotë të të gjitha strukturave aktuale dhe ministrive përgjegjëse në realizimin dhe finalizimin me sukses të kësaj reforme.

Ristrukturimi i inspektorateve ndodhet në një fazë delikate dhe vendimtare dhe për këtë qëllim  Inspektorati i Përgjithshëm, përmes ngritjes së grupeve të posaçme të punës, do të ofrojë të gjithë asistencën e nevojshme për të garantuar mbarëvajtjen e këtij procesi, për krijimin e strukturave optimale në ushtrimin sa më efektiv dhe eficient të veprimtarisë inspektuese.

Gjithashtu, u bë e ditur iniciativa e Inspektorit të Përgjithshëm për ngritjen e një grupi paralel pune, i cili do të punojë për harmonizimin e strukturave dhe lidhjen e pagave, me pozicionet e punës, me funksione inspektimi, në të gjitha inspektoratet qendrore, me përfaqësues nga Inspektorati i Përgjithshëm, ministritë e linjës dhe strukturat aktuale inspektuese.

Një rëndësi të veçantë pati ritheksimi i faktit se, nuk do të ketë asnjë tolerim në lidhje me zbatimin rigoroz të detyrimeve që parashikon ligji nr. 99/2024 “Për inspektimin në Republikën e Shqipërisë”  për të gjitha strukturat inspektuese. Zbatimi i plotë dhe i njëtrajtshëm i këtij ligji do të garantojë kalimin drejt një sistemi inspektimi të standardizuar, të dixhitalizuar dhe të planifikuar mbi bazë të analizës së riskut, duke rritur transparencën, efikasitetin dhe barazinë në trajtimin e subjekteve të inspektimit