• Rruga "Muhedin Llagami", Objekti MD, Kompleksi Delijorgji, Tiranë
  • info@ip.gov.al

Inspektorati i Përgjithshëm Nis Mbikëqyrjen në Terren të Procedurave të Inspektimit

  • Njoftime

Inspektorati i Përgjithshëm njofton se, në zbatim të ligjit nr. 99/2024 “Për Inspektimin në Republikën e Shqipërisë”, si dhe të VKM nr. 330, datë 11.06.2025 “Për organizimin dhe funksionimin të Inspektoratit të Përgjithshëm”, dhe në vijim të Urdhrit nr. 42, datë 2 mars 2026, ka nisur procesin e mbikëqyrjes në terren të procedurave të inspektimit të kryera nga inspektoratet qendrore dhe vendore në të gjithë vendin.

Mbikëqyrja do të drejtohet nga Zv/ Inspektori i Përgjithshëm dhe do të realizohet nga strukturat përgjegjëse pranë Inspektoratit të Përgjithshëm, me qëllim garantimin e zbatimit të unifikuar, ligjor dhe të standardizuar të procedurave të inspektimit.

Të gjitha inspektoratet qendrore dhe vendore janë të detyruara të bashkëpunojnë me trupat mbikëqyrëse dhe të paraqesin brenda afateve përkatëse listat e subjekteve për t’u inspektuar, sipas kërkesave të përcaktuara në urdhër.

Ky proces synon rritjen e transparencës, forcimin e integritetit institucional dhe përmirësimin e cilësisë së shërbimeve inspektuese për qytetarët dhe bizneset.

Inspektorati i Përgjithshëm do të vijojë raportimin periodik mbi ecurinë e mbikëqyrjes në terren.

Vijojnë takimet intensive të Inspektorit të Përgjithshëm, me Kryeinspektorët e inspektorateve shtetërore dhe drejtuesit e trupave inspektuese

Vijojnë takimet intensive të Inspektorit të Përgjithshëm, z. Dashnor Sula, me Kryeinspektorët e inspektorateve shtetërore dhe drejtuesit  e trupave inspektuese aktuale, të cilat do ti nënshtrohen ristrukturimit dhe riorganizimit të trupave inspektuese në inspektorate qendrore, në zbatim të ligjit për inspektimin nr. 99/2024.

Gjatë takimeve u theksua rëndësia e angazhimit të plotë të të gjitha strukturave aktuale dhe ministrive përgjegjëse në realizimin dhe finalizimin me sukses të kësaj reforme.

Ristrukturimi i inspektorateve ndodhet në një fazë delikate dhe vendimtare dhe për këtë qëllim  Inspektorati i Përgjithshëm, përmes ngritjes së grupeve të posaçme të punës, do të ofrojë të gjithë asistencën e nevojshme për të garantuar mbarëvajtjen e këtij procesi, për krijimin e strukturave optimale në ushtrimin sa më efektiv dhe eficient të veprimtarisë inspektuese.

Gjithashtu, u bë e ditur iniciativa e Inspektorit të Përgjithshëm për ngritjen e një grupi paralel pune, i cili do të punojë për harmonizimin e strukturave dhe lidhjen e pagave, me pozicionet e punës, me funksione inspektimi, në të gjitha inspektoratet qendrore, me përfaqësues nga Inspektorati i Përgjithshëm, ministritë e linjës dhe strukturat aktuale inspektuese.

Një rëndësi të veçantë pati ritheksimi i faktit se, nuk do të ketë asnjë tolerim në lidhje me zbatimin rigoroz të detyrimeve që parashikon ligji nr. 99/2024 “Për inspektimin në Republikën e Shqipërisë”  për të gjitha strukturat inspektuese. Zbatimi i plotë dhe i njëtrajtshëm i këtij ligji do të garantojë kalimin drejt një sistemi inspektimi të standardizuar, të dixhitalizuar dhe të planifikuar mbi bazë të analizës së riskut, duke rritur transparencën, efikasitetin dhe barazinë në trajtimin e subjekteve të inspektimit