• Rruga "Muhedin Llagami", Objekti MD, Kompleksi Delijorgji, Tiranë
  • info@ip.gov.al

PREZANTOHET INSPEKTORI I PËRGJITHSHËM Z. DASHNOR SULA

  • Njoftime

Ministrja e Ekonomisë dhe Inovacionit, znj. Delina Ibrahimaj, zhvilloi sot një vizitë zyrtare pranë Zyrave të Inspektoratit të Përgjithshëm, me rastin e prezantimit të Inspektorit të ri të Përgjithshëm, z. Dashnor Sula.

Gjatë takimit, Ministrja Ibrahimaj prezantoi zyrtarisht z. Sula përpara strukturave drejtuese të Inspektorateve Shtetërore dhe stafit të institucionit, duke theksuar rëndësinë e rolit të Inspektoratit të Përgjithshëm në forcimin e sistemit të inspektimit, rritjen e transparencës dhe garantimin e zbatimit të ligjshmërisë.

Z. Dashnor Sula shprehu angazhimin e tij për të vijuar dhe thelluar reformat në fushën e inspektimit, për të përmirësuar bashkëpunimin ndërinstitucional dhe për të rritur efektivitetin e veprimtarisë inspektuese në përputhje me legjislacionin në fuqi.

Takimi u zhvillua në një frymë bashkëpunimi dhe mirëbesimi, duke riafirmuar mbështetjen e Ministrisë së Ekonomisë dhe Inovacionit për forcimin e kapaciteteve institucionale të Inspektoratit të Përgjithshëm.

Vijojnë takimet intensive të Inspektorit të Përgjithshëm, me Kryeinspektorët e inspektorateve shtetërore dhe drejtuesit e trupave inspektuese

Vijojnë takimet intensive të Inspektorit të Përgjithshëm, z. Dashnor Sula, me Kryeinspektorët e inspektorateve shtetërore dhe drejtuesit  e trupave inspektuese aktuale, të cilat do ti nënshtrohen ristrukturimit dhe riorganizimit të trupave inspektuese në inspektorate qendrore, në zbatim të ligjit për inspektimin nr. 99/2024.

Gjatë takimeve u theksua rëndësia e angazhimit të plotë të të gjitha strukturave aktuale dhe ministrive përgjegjëse në realizimin dhe finalizimin me sukses të kësaj reforme.

Ristrukturimi i inspektorateve ndodhet në një fazë delikate dhe vendimtare dhe për këtë qëllim  Inspektorati i Përgjithshëm, përmes ngritjes së grupeve të posaçme të punës, do të ofrojë të gjithë asistencën e nevojshme për të garantuar mbarëvajtjen e këtij procesi, për krijimin e strukturave optimale në ushtrimin sa më efektiv dhe eficient të veprimtarisë inspektuese.

Gjithashtu, u bë e ditur iniciativa e Inspektorit të Përgjithshëm për ngritjen e një grupi paralel pune, i cili do të punojë për harmonizimin e strukturave dhe lidhjen e pagave, me pozicionet e punës, me funksione inspektimi, në të gjitha inspektoratet qendrore, me përfaqësues nga Inspektorati i Përgjithshëm, ministritë e linjës dhe strukturat aktuale inspektuese.

Një rëndësi të veçantë pati ritheksimi i faktit se, nuk do të ketë asnjë tolerim në lidhje me zbatimin rigoroz të detyrimeve që parashikon ligji nr. 99/2024 “Për inspektimin në Republikën e Shqipërisë”  për të gjitha strukturat inspektuese. Zbatimi i plotë dhe i njëtrajtshëm i këtij ligji do të garantojë kalimin drejt një sistemi inspektimi të standardizuar, të dixhitalizuar dhe të planifikuar mbi bazë të analizës së riskut, duke rritur transparencën, efikasitetin dhe barazinë në trajtimin e subjekteve të inspektimit