• Rruga "Muhedin Llagami", Objekti MD, Kompleksi Delijorgji, Tiranë
  • info@ip.gov.al

Takim me Inspektoratin Shtetëror të Shëndetësisë dhe Autoritetin Kombëtar të Ushqimit për inspektimet online

  • Lajme

Inspektori Përgjithshëm Z. Shkëlqim Hajdari me specialiste të Inspektoratit Qendror realizuan sot dy takime: Takim me Kryeinspektorin e Inspektoratit Shtetëror të Shëndetësisë Z. Eltar Deda dhe stafin e tij; si dhe me Kryeinspektorin e Autoritetit Kombëtar të Ushqimit Z. Dritan Sejko dhe stafin e tij.
Tematika ishte e lidhur me gjendjen dhe problematikat e inspektimeve online në këto dy inspektorate, si dhe implementimi sa më i shpejtë i inspektimeve online. Kjo e lidhur me rritjen e transparencës dhe efektivitetit të inspektimeve duke përdorur paketat portabël inspektimi (laptop dhe printer portabël) përmes aksesimit online të portalit unik të inspektimeve “e-Inspektimi”.

Në këto takime u demostrua online i gjithë procesi i inspektimit që nga programimi, krijimi i çështjes, lëshimi i autorizimit e procesi tërësor i inspektimit online me gjenerimin e procesverbalit si dhe të vendimit të inspektimit.

Takimi ishte interaktiv për problematikën e ndeshur gjatë fazës së integrimit në portal të këtyre dy inspektorateve, frytdhënës dhe me mirëkuptim për përdorimin sa më të shpejtë dhe efektiv të portalit “e-Inspektimi” nga inspektorët e këtyre dy inspektorateve.

Në ditët në vazhdim Inspektori i Përgjithshëm do të realizojë takime me të gjithë Kryeinspektorët e Inspektorateve Shtetërore dhe stafet e tyre.

Vijojnë takimet intensive të Inspektorit të Përgjithshëm, me Kryeinspektorët e inspektorateve shtetërore dhe drejtuesit e trupave inspektuese

Vijojnë takimet intensive të Inspektorit të Përgjithshëm, z. Dashnor Sula, me Kryeinspektorët e inspektorateve shtetërore dhe drejtuesit  e trupave inspektuese aktuale, të cilat do ti nënshtrohen ristrukturimit dhe riorganizimit të trupave inspektuese në inspektorate qendrore, në zbatim të ligjit për inspektimin nr. 99/2024.

Gjatë takimeve u theksua rëndësia e angazhimit të plotë të të gjitha strukturave aktuale dhe ministrive përgjegjëse në realizimin dhe finalizimin me sukses të kësaj reforme.

Ristrukturimi i inspektorateve ndodhet në një fazë delikate dhe vendimtare dhe për këtë qëllim  Inspektorati i Përgjithshëm, përmes ngritjes së grupeve të posaçme të punës, do të ofrojë të gjithë asistencën e nevojshme për të garantuar mbarëvajtjen e këtij procesi, për krijimin e strukturave optimale në ushtrimin sa më efektiv dhe eficient të veprimtarisë inspektuese.

Gjithashtu, u bë e ditur iniciativa e Inspektorit të Përgjithshëm për ngritjen e një grupi paralel pune, i cili do të punojë për harmonizimin e strukturave dhe lidhjen e pagave, me pozicionet e punës, me funksione inspektimi, në të gjitha inspektoratet qendrore, me përfaqësues nga Inspektorati i Përgjithshëm, ministritë e linjës dhe strukturat aktuale inspektuese.

Një rëndësi të veçantë pati ritheksimi i faktit se, nuk do të ketë asnjë tolerim në lidhje me zbatimin rigoroz të detyrimeve që parashikon ligji nr. 99/2024 “Për inspektimin në Republikën e Shqipërisë”  për të gjitha strukturat inspektuese. Zbatimi i plotë dhe i njëtrajtshëm i këtij ligji do të garantojë kalimin drejt një sistemi inspektimi të standardizuar, të dixhitalizuar dhe të planifikuar mbi bazë të analizës së riskut, duke rritur transparencën, efikasitetin dhe barazinë në trajtimin e subjekteve të inspektimit