• Rruga "Muhedin Llagami", Objekti MD, Kompleksi Delijorgji, Tiranë
  • info@ip.gov.al

NJOFTIM PËR SHPALLJE VENDE VAKANTE

  • Njoftime

Në zbatim të ligjit nr. 99/2024, “Për inspektimin në Republikën e Shqipërisë”, të ligjit nr. 7961, datë 12.07.1995, “Kodi i Punës në Republikën e Shqipërisë”, i ndryshuar, të VKM nr. 330, datë 11.06.2025, “Për organizimin dhe funksionimin e Inspektoratit të Përgjithshëm”, të VKM nr. 712, datë 26.11.2025, “Për përcaktimin e rregullave të hollësishme për funksionimin e komisionit të rekrutimit dhe ecurisë në karrierë”, të VKM nr. 778, datë 19.12.2025, “Për përzgjedhjen, emërimin, vlerësimin e rezultateve në punë, disiplinën, shkarkimin dhe lirimin nga detyra të kryeinspektorit, inspektorit të Inspektoratit të Përgjithshëm”, Urdhrit të Kryeministrit nr. 144, datë 02.09.2025, “Për miratimin e strukturës dhe të organikës së Inspektoratit të Përgjithshëm”, ligjit

nr. 9154, datë 6.11.2003 ‘ʼPër arkivatʼʼ, i ndryshuar, si dhe në VKM nr. 821, datë 26.12.2024 ‘ʼPër miratimin e rregullores ‘ʼPër organizimin dhe funksionimin e Drejtorisë së Përgjithshme të Arkivave dhe të organeve që funksionojnë pranë sajʼʼ, si dhe në vijim të njoftimit për shpallje të datës 20.07.2026,

Inspektorati i Përgjithshëm shpall procedurën e pranimit të kandidatëve për jashtë sistemit të inspektimit, duke qenë se pas përfundimit të procedurës së lëvizjes paralele nuk ka kandidatë të kualifikuar për pozicionin:

  1. POZICIONI VAKANT
  • Pozicioni: Inspektor, në Sektorin e Inspektimit Jug
  • Institucioni: Drejtoria e Inspektimit, DPA
  • Qarku Gjirokastër
  • Numri i vendeve vakante 1 (një)
  • Klasa IV-I
  1. KRITERET E PËRGJITHSHME DHE TË POSAÇME

Kandidati duhet të plotësojë këto kritere:

  • Të jetë shtetas shqiptar;
  • Të kenë zotësi të plotë për të vepruar;
  • Të zotërojë gjuhën shqipe, të shkruar e të folur;
  • Të jetë në kushte shëndetësore që e lejojnë të kryejë detyrën përkatëse;
  • Të mos jetë i dënuar me vendim të formës së prerë për kryerjen e një krimi apo për kryerjen e një kundërvajtjeje penale me dashje;
  • Të mos ketë marrë masë disiplinore në fuqi;
  • Të ketë aftësi shumë të mira komunikimi dhe prezantimi;
  • Të zotërojnë diplomë të nivelit “Master Profesional” në “Shkenca shoqërore”. Edhe diploma e nivelit “Bachelor” duhet të jetë në të njëjtën fushë;
  • Diplomat e marra jashtë vendit duhet të jenë të njehsuara sipas legjislacionit shqiptar në fuqi;
  • Të ketë të paktën 1 vit eksperiencë pune në profesion;
  • Të ketë njohuri shumë të mira të specialitetit brenda fushës profesionale;
  • Të ketë aftësi për të përcaktuar objektivat dhe për të vendosur prioritete dhe respektuar afate;
  • Të ketë njohuri të mira të procedurave administrative;
  • Të ketë njohuri shumë të mira në përdorimin e programeve bazë kompjuterike (MS Office: Word, Excel, PowerPoint);
  • Preferohet të ketë njohuri shumë të mira të gjuhës angleze ose një gjuhe tjetër të BE-së.
  1. PËRSHKRIMI I PËRGJITHSHËM I DETYRËS
  • Inspekton sekretari-arkivat e institucioneve shtetërore, në bazë të ligjit ‘’Për arkivat’’, i ndryshuar dhe ligjit ‘’Për inspektimin në Republikën e Shqipërisë’’.
  • Ndjek zabtimin e detyrave të përcaktuara në legjislacionin në fuqi për inspektimin.
  • Pezullon procese të punës arkivore, kur ato kryehen jashtë kërkesave të akteve ligjore, në përputhje të plotë me legjislacionin në fuqi.
  • Mban kontakte pune dhe zyrtare me institucionet që ligji i detyron të dorëzojë, si pasuri kombëtare pranë arkivave tëp përhershëm në varësi të DPA-së, dokumentete e krijuara prej tyre, në afatin e parashikuar në ligj.
  • Përgatit kualifikimin e punonjësve të sekretarive dhe arkivistëve në nivel vendor
  • Mban kontakte pune dhe zyrtare me institucionet që ligji i detyron të dorëzojnë si pasuri kombëtare pranë ASHV përkatës, dokumentet e krijuara prej tyre, në afatin e parashkuar nga ligji.

IV. DOKUMENTACIONI I NEVOJSHËM PËR APLIKIM

Kandidatët duhet të dorëzojnë:

  • Kërkesë me shkrim për aplikim;
  • Jetëshkrim i plotësuar sipas formatit europass;
  • Fotokopje të diplomës (përfshirë edhe listën e notave) e noterizuar. Për diplomat e marra jashtë
  • Republikës së Shqipërisë të përcillet njehsimi nga Ministria e Arsimit;
  • Fotokopje të letërnjoftimit (ID);
  • Vërtetim të gjendjes shëndetësore;
  • Vërtetim i Prokurorisë së Rrethit;
  • Vërtetim i Gjykatës së Rrethit të Shkallës së Parë;
  • Dëshmi Penaliteti;
  • Çdo dokumentacion tjetër, fotokopje të librezës së punës (të gjitha faqet që vërtetojnë eksperiencën në punë), vlerësimin e fundit nga eprori direkt, vërtetimin nga institucioni që nuk ka masë disiplinore në fuqi; trajnimet, kualifikimet, arsimin shtesë, gjuhë të huaj, vlerësimet pozitive apo të tjera të përmendura në jetëshkrimin tuaj.

V. AFATET DHE MËNYRA E APLIKIMIT

Dokumentet dorëzohen pranë Inspektoratit të Përgjithshëm, Adresa: Rr. “Muhedin Llagami”, Kompleksi Delijorgji, Godina MD Business, Kati 8, Tiranë. 

Afati i fundit: 10/08/2026

Rezultatet e Vlerësimit Paraprak

Shpallja e listës paraprake të kandidatëve që përmbushin kriteret dhe kërkesat e posaçme për procedurën nga jashtë sistemit 13/08/2026

Testimi me shkrim do të zhvillohet në datën 28/08/2026, ora 10:00 dhe Intervista me gojë do të zhvillohet në datën 28/08/2026, ora 12:00, pranë Inspektoratit të Përgjithshëm, me adresë: Rruga “Muhedin Llagami”, Kompleksi Delijorgji, Godina MD Biznes, Kati i 8, 1023, Tiranë.

VI. FUSHAT E TESTIMIT

Fusha e njohurive, aftësitë dhe cilësitë mbi të cilat do të zhvillohet testimi me shkrim:

  • Ligji nr. 9154, datë 06.11.2003 ‘ʼPër Arkivatʼʼ;
  • Normat tekniko-profesionale dhe metodologjike të shërbimit arkivor në Republikën e Shqipërisë;
  • Ligji nr. 9131, datë 08.09.2003 ‘ʼPër rregullat e etikës në administratën publikeʼʼ;
  • Ligji nr. 119/2014 ‘ʼPër të drejtën e informimitʼʼ.
  • Ligji nr. 99/2024ʼPër Inspektimin në Republikën e Shqipërisëʼʼ dhe aktet nënligjore në zbatim të tij;
  • VKM nr. 874, datë 29.09.20211 ‘ʼPër miratimin e rregullave për zbatimin e parimeve të etikës, të klasifikimit të veprimtarive të jashtme dhe vlerën e dhuratave, që mund të pranohen gjatë veprimtarisë së nëpunësit të administrates publikeʼʼ

VII. MËNYRA E VLERËSIMIT TË KANDIDATËVE

Në vlerësimin e kandidatëve përfshihen:

  1. Testimi me shkrim, deri në 60 (gjashtëdhjetë) pikë;
  2. Intervista me gojë deri në 30 (tridhjetë) pikë;
  3. vlerësimi i dokumentacionit, vlerësimin e përvojës, të trajnimeve të lidhura me fushën e inspektimit dhe vlerësimin e rezultateve në punë 10 pikë;

Vijojnë takimet intensive të Inspektorit të Përgjithshëm, me Kryeinspektorët e inspektorateve shtetërore dhe drejtuesit e trupave inspektuese

Vijojnë takimet intensive të Inspektorit të Përgjithshëm, z. Dashnor Sula, me Kryeinspektorët e inspektorateve shtetërore dhe drejtuesit  e trupave inspektuese aktuale, të cilat do ti nënshtrohen ristrukturimit dhe riorganizimit të trupave inspektuese në inspektorate qendrore, në zbatim të ligjit për inspektimin nr. 99/2024.

Gjatë takimeve u theksua rëndësia e angazhimit të plotë të të gjitha strukturave aktuale dhe ministrive përgjegjëse në realizimin dhe finalizimin me sukses të kësaj reforme.

Ristrukturimi i inspektorateve ndodhet në një fazë delikate dhe vendimtare dhe për këtë qëllim  Inspektorati i Përgjithshëm, përmes ngritjes së grupeve të posaçme të punës, do të ofrojë të gjithë asistencën e nevojshme për të garantuar mbarëvajtjen e këtij procesi, për krijimin e strukturave optimale në ushtrimin sa më efektiv dhe eficient të veprimtarisë inspektuese.

Gjithashtu, u bë e ditur iniciativa e Inspektorit të Përgjithshëm për ngritjen e një grupi paralel pune, i cili do të punojë për harmonizimin e strukturave dhe lidhjen e pagave, me pozicionet e punës, me funksione inspektimi, në të gjitha inspektoratet qendrore, me përfaqësues nga Inspektorati i Përgjithshëm, ministritë e linjës dhe strukturat aktuale inspektuese.

Një rëndësi të veçantë pati ritheksimi i faktit se, nuk do të ketë asnjë tolerim në lidhje me zbatimin rigoroz të detyrimeve që parashikon ligji nr. 99/2024 “Për inspektimin në Republikën e Shqipërisë”  për të gjitha strukturat inspektuese. Zbatimi i plotë dhe i njëtrajtshëm i këtij ligji do të garantojë kalimin drejt një sistemi inspektimi të standardizuar, të dixhitalizuar dhe të planifikuar mbi bazë të analizës së riskut, duke rritur transparencën, efikasitetin dhe barazinë në trajtimin e subjekteve të inspektimit