NJOFTIM PËR SHPALLJE VENDE VAKANTE

Në zbatim të ligjit nr. 99/2024, “Për inspektimin në Republikën e Shqipërisë”, të ligjit nr. 7961, datë 12.07.1995, “Kodi i Punës në Republikën e Shqipërisë”, i ndryshuar, të VKM nr. 330, datë 11.06.2025, “Për organizimin dhe funksionimin e Inspektoratit të Përgjithshëm”, ligjit nr. 9863, datë 28.1.2008 “Për Ushqimin”, i ndryshuar, të VKM nr. 712, datë 26.11.2025, “Për përcaktimin e rregullave të hollësishme për funksionimin e komisionit të rekrutimit dhe ecurisë në karrierë”, të VKM nr. 778, datë 19.12.2025, “Për përzgjedhjen, emërimin, vlerësimin e rezultateve në punë, disiplinën, shkarkimin dhe lirimin nga detyra të kryeinspektorit, inspektorit të  inspektoratit Qendror dhe Inspektoratit të Përgjithshëm”, si dhe të Urdhrit të Kryeministrit nr. 144, datë 02.09.2025, “Për miratimin e strukturës dhe të organikës së Inspektoratit të Përgjithshëm”, VKM nr. 708, datë 9.9.2020 “Për organizimin dhe funksionimin e Autoritetit Kombëtar të Ushqimit”, Urdhrit të Kryeministrit nr.7, datë 10.01.2025 “Për miratimin e strukturës dhe të organikës së Autoritetit Kombëtar të Ushqimit”, Rregullores së Brendshme për organizimin dhe Funksionimin e Autoritetit Kombëtar të Ushqimit, të miratuar me Urdhrin nr. 297, datë 23.6.2022 të Ministrit të Bujqësisë dhe Zhvillimit Rural, si dhe në vijim të njoftimit për shpallje të datës 02.07.2026,

Inspektorati i Përgjithshëm shpall procedurën e pranimit të kandidatëve për jashtë sistemit të inspektimit, duke qenë se pas përfundimit të procedurës së lëvizjes paralele nuk pati kandidat fitues për pozicionin:

I. POZICIONI VAKANT

• Pozicioni: Inspektor (Fitosanitar)
• Struktura: Sektorin e Kontrollit në Pikën e Inspektimit Kufitar (Morinë)
• Institucioni: Drejtoria Rajonale e Autoritetit Kombëtar të Ushqimit, Qarku Kukës

• Numri i vendeve vakante: 1
• Kategoria/klasa: IV-2

II. Konkurrimi për jashtë sistemit të inspektimit

III. KRITERET E PËRGJITHSHME DHE TË POSAÇME

Kandidati duhet të plotësojë këto kritere:

• Të jetë shtetas shqiptar;
• Të kenë zotësi të plotë për të vepruar;
• Të zotërojë gjuhën shqipe, të shkruar e të folur;
• Të jetë në kushte shëndetësore që e lejojnë të kryejë detyrën përkatëse;
• Të mos jetë i dënuar me vendim të formës së prerë për kryerjen e një krimi apo për kryerjen e një kundërvajtjeje penale me dashje;
• Të zotërojë diplomë të nivelit minimal “Bachelor” në fushat e kërkuara: Inxhinieri Agrare në profilet Mbrojtje Bimësh/ Hortikulturë/ Prodhim Bimor/Agronomi e Përgjithshme/ ose në fusha të tjera që përshtaten me pozicionin e shpallur vakant.
• Diplomat e marra jashtë vendit duhet të duhet të jenë njohur paraprakisht pranë institucionit përgjegjës për njehsimin e diplomave, sipas legjislacionit në fuqi.
• Të mos ketë marrë masë disiplinore largimi nga puna 5 vitet e fundit;
• Të kenë njohuri shumë të mira të specialitetit të fushës profesionale;
• Të ketë njohuri të avancuara të procedurave administrative;
• Të ketë aftësi për të përcaktuar objektivat, vendosur prioritete dhe respektuar afatet;
• Të ketë aftësi për të shqyrtuar, verifikuar dhe vlerësuar informacione komplekse;
• Të kenë njohuri të mira të procedurave administrative, si dhe në përdorimin e programeve bazë kompjuterike (MS Office; Word; Excel; Power Point);
• Preferohet të ketë njohuri shumë të mira të gjuhës angleze ose nje gjuhë tjetër të BE-së;
• Preferohet të ketë trajnim dhe certifikime në fushën e kërkuar dhe administrim publik.

IV. PËRSHKRIMI I PËRGJITHSHËM I DETYRËS

• Kryen kontrolle në Pikat e Inspektimit Kufitar (PIK) për parandalimin, hyrjen dhe përhapjen e sëmundjeve, parazitëve karantinorë si dhe për të garantuar sigurinë gjatë importit/eksportit/tranzitit të ngarkesave të produkteve të mbrojtjes së bimëve dhe të inputeve bujqësore, duhanit dhe produktet e tij dhe për një mbrojtje sa më të mirë të konsumatorëve në territorin e Republikës së Shqipërisë.
• Kryen kontrollin e ngarkesave të mbrojtjes së bimëve dhe të inputeve bujqësore, duhanit dhe produktet e tij, të cilat hyjnë, dalin ose tranzitojnë në territorin e Republikës së Shqipërisë dhe verifikon përputhshmërinë e dokumentacionit shoqërues, të ngarkesave të importuara. Kur vërehen mangësi në dokumentacion, malli bllokohet.
• Kryen kontrolle në doganën më të afërt jashtë PIK-ut ose në doganën më të afërt në vendin/pikën e destinacionit në zbatim të marrëveshjes së bashkëpunimit në fushën e veterinarisë, sigurisë ushqimore dhe ushqimit për kafshë dhe fitosanitetit në Ballkanin Perëndimor.
• Kontrollon sigurinë e  ngarkesave të mbrojtjes së bimëve dhe të inputeve bujqësore, duhanit dhe produktet e tij, të cilat hyjnë, dalin ose tranzitojnë në territorin e Republikës së Shqipërisë. Ngarkesa e ushqimeve për të cilën ka dyshime, duhet të mbahet në ruajtje, brenda standardeve të lejuara, në magazinat doganore derisa të kryhet procedura e përcaktimit të sigurisë së tyre dhe procedura doganore.
• Kontrollon certifikatat dhe dokumentet e tjera të sigurisë të cilat duhet të jenë në gjuhën shqipe dhe në gjuhen e vendit prej nga ato vijnë dhe siguron që ngarkesa e ushqimit të importuar të shoqërohet me certifikatë, në përputhje me kërkesat ndërkombëtare, për sigurinë e ushqimit që importohet.
• Mbledh dhe organizon informacion bazë, cilësor dhe sasior, në fushën e sigurisë të mbrojtjes së bimëve dhe të inputeve bujqësore dhe e përcjellin në Drejtorinë e Përgjithshme të AKU-së, sipas kërkesave të saj.

V. DOKUMENTACIONI I NEVOJSHËM PËR APLIKIM

Kandidatët duhet të dorëzojnë:

• Jetëshkrim i plotësuar sipas formatit europass:
• Fotokopje të diplomës (përfshirë edhe listën e notave) e noterizuar. Për diplomat e marra jashtë Republikës së Shqipërisë të përcillet njehsimi nga Ministria e Arsimit;
• Fotokopje të letërnjoftimit (ID);
• Vërtetim të gjendjes shëndetësore;
• Vërtetim i Prokurorisë së Rrethit;
• Vërtetim i Gjykatës së Rrethit të Shkallës së Parë
• Dëshmi Penaliteti;
• Vërtetimin nga institucioni që nuk ka masë disiplinore në fuqi;
• Çdo dokumentacion tjetër fotokopje të librezës së punës (të gjitha faqet që vërtetojnë eksperiencën në punë, vlerësimin e fundit nga eprori direkt, trajnimet, kualifikimet, arsimin shtesë, gjuhë të huaj, vlerësimet pozitive apo të tjera të përmendura në jetëshkrimin tuaj;

V. AFATET DHE MËNYRA E APLIKIMIT

Dokumentet dorëzohen pranë Inspektoratit të Përgjithshëm, Adresa: Rr. “Muhedin Llagami”, Kompleksi Delijorgji, Godina MD Business, Kati 8, Tiranë. 

Afati i fundit: 14.08.2026

VI. FAZAT E KONKURRIMIT

1. Vlerësimi paraprak

• Shpallja e listës paraprake të kandidatëve që përmbushin kriteret dhe kërkesat e posaçme për procedurën jashtë sistemit të inspektimit: 18.08.2026

2. Testimi dhe intervista

• Testimi me shkrim do të zhvillohet në datën 01.09.2026, ora 10:00 pranë Inspektoratit të Përgjithshëm
• Intervista me gojë do të zhvillohet në datën 01.09.2026, ora 12:00 pranë Inspektoratit të Përgjithshëm

VIII.  FUSHAT E TESTIMIT

Fusha e njohurive, aftësitë dhe cilësitë mbi të cilat do të zhvillohet testimi me gojë:

• Ligjin nr. 99/2024, “Për inspektimin në Republikën e Shqipërisë”;
• Ligjin nr. 44/2015, “Kodi i procedurave administrative i Republikës së Shqipërisë”;
• Ligjin nr. 9131, datë 08.09.2003, “Për rregullat e etikës në administratën publike”;
• Ligjin nr. Ligji nr. 10416, datë 07.04.2011 “Për materialin mbjellës dhe shumëzues bimor”, i ndryshuar;
• Ligjin nr. 17/2020, datë 17.02.2020 “Për produktet plehëruese”;
• Ligjin nr. 15/2022, datë 03.02.2022 “Për disa ndryshime dhe shtesa në ligjin nr. 105/2016 “Për mbrojtjen e bimëve”.

Kandidatët gjatë testimit me shkrim do të vlerësohen në lidhje me:

Vlerësimin e njohurive të përgjithshme dhe të veçanta sipas kërkesave të pozicionit, në lidhje me;

• legjislacionin për inspektimin;
• të drejtën administrative dhe procedurën e saj;
• rregullat e etikës;
• fushat e veçanta, që lidhen me fushën e inspektimit të institucionit përkatës

Kandidatët gjatë intervistës me gojë do të vlerësohen në lidhje me:

• Legjislacionin e sipërcituar, njohuritë profesionale, kompetencat funksionale, aftësitë e komunikimit, motivimin dhe integritetin personal.

IX. VLERËSIMI I KANDIDATËVE

Vlerësimi bëhet sipas kësaj skeme:

• Testimi me shkrim – deri në 60 pikë
• Intervista me gojë – deri në 30 pikë;
• Dokumentacioni – deri në 10 pikë.