• Rruga "Muhedin Llagami", Objekti MD, Kompleksi Delijorgji, Tiranë
  • info@ip.gov.al

NJOFTIM PËR KORRIGJIM GABIMI MATERIAL

  • Announcements

Në lidhje me njoftimin për shpalljen e vendit vakant për pozicionin “Inspektor”, në Sektorin e Inspektimit të Pyjeve, Drejtoria Rajonale Tiranë, pranë Inspektoratit Kombëtar të Mbrojtjes së Territorit, publikuar më datë 27.08.2026, per procedurën e pranimit të kandidatëve për lëvizjen paralele sipas linkut: https://ip.gov.al/njoftim-per-shpallje-vende-vakante-236/, lidhur me kërkesën nr. 3935 prot., datë 02.07.2026, bëhet e ditur si vijon:

Nga verifikimi i kritereve të arsimit të miratuara me Urdhrin e Inspektorit të Përgjithshëm nr 181, date 15.05.2026 “Për miratimin e kritereve të arsimit për pozicionet e punës ‘Inspektor’ në IKMT”, rezulton se fusha e arsimit “Drejtësi” nuk parashikohet ndër kriteret e arsimit të miratuara për këtë pozicion pune.

Për këtë arsye, në zbatim të aktit të sipërcituar, kriteri i arsimit në fushën “Drejtësi” hiqet nga kriteret e arsimit të shpalljes në fjalë, si korrigjim i një gabimi material.

Kriteret e arsimit të vlefshme për këtë pozicion mbeten: Inxhinieri Pyjore; Biologji; Kimi; Agronomi.

Ky njoftim korrigjon, në pjesën përkatëse, njoftimin fillestar të publikuar më datë 27.08.2026 dhe është pjesë e tij.

Vijojnë takimet intensive të Inspektorit të Përgjithshëm, me Kryeinspektorët e inspektorateve shtetërore dhe drejtuesit e trupave inspektuese

Vijojnë takimet intensive të Inspektorit të Përgjithshëm, z. Dashnor Sula, me Kryeinspektorët e inspektorateve shtetërore dhe drejtuesit  e trupave inspektuese aktuale, të cilat do ti nënshtrohen ristrukturimit dhe riorganizimit të trupave inspektuese në inspektorate qendrore, në zbatim të ligjit për inspektimin nr. 99/2024.

Gjatë takimeve u theksua rëndësia e angazhimit të plotë të të gjitha strukturave aktuale dhe ministrive përgjegjëse në realizimin dhe finalizimin me sukses të kësaj reforme.

Ristrukturimi i inspektorateve ndodhet në një fazë delikate dhe vendimtare dhe për këtë qëllim  Inspektorati i Përgjithshëm, përmes ngritjes së grupeve të posaçme të punës, do të ofrojë të gjithë asistencën e nevojshme për të garantuar mbarëvajtjen e këtij procesi, për krijimin e strukturave optimale në ushtrimin sa më efektiv dhe eficient të veprimtarisë inspektuese.

Gjithashtu, u bë e ditur iniciativa e Inspektorit të Përgjithshëm për ngritjen e një grupi paralel pune, i cili do të punojë për harmonizimin e strukturave dhe lidhjen e pagave, me pozicionet e punës, me funksione inspektimi, në të gjitha inspektoratet qendrore, me përfaqësues nga Inspektorati i Përgjithshëm, ministritë e linjës dhe strukturat aktuale inspektuese.

Një rëndësi të veçantë pati ritheksimi i faktit se, nuk do të ketë asnjë tolerim në lidhje me zbatimin rigoroz të detyrimeve që parashikon ligji nr. 99/2024 “Për inspektimin në Republikën e Shqipërisë”  për të gjitha strukturat inspektuese. Zbatimi i plotë dhe i njëtrajtshëm i këtij ligji do të garantojë kalimin drejt një sistemi inspektimi të standardizuar, të dixhitalizuar dhe të planifikuar mbi bazë të analizës së riskut, duke rritur transparencën, efikasitetin dhe barazinë në trajtimin e subjekteve të inspektimit