• Rruga "Muhedin Llagami", Objekti MD, Kompleksi Delijorgji, Tiranë
  • info@ip.gov.al

NJOFTIM PËR SHPALLJE VENDE VAKANTE

  • Announcements

Në zbatim të ligjit nr. 99/2024, “Për inspektimin në Republikën e Shqipërisë”, të ligjit nr. 7961, datë 12.07.1995, “Kodi i Punës në Republikën e Shqipërisë”, i ndryshuar, të VKM nr. 330, datë 11.06.2025, “Për organizimin dhe funksionimin e Inspektoratit të Përgjithshëm”, të VKM nr. 712, datë 26.11.2025, “Për përcaktimin e rregullave të hollësishme për funksionimin e komisionit të rekrutimit dhe ecurisë në karrierë”, të VKM nr. 778, datë 19.12.2025, “Për përzgjedhjen, emërimin, vlerësimin e rezultateve në punë, disiplinën, shkarkimin dhe lirimin nga detyra të kryeinspektorit, inspektorit të Inspektoratit të Përgjithshëm”, Urdhrit të Kryeministrit nr. 144, datë 02.09.2025, “Për miratimin e strukturës dhe të organikës së Inspektoratit të Përgjithshëm”, VKM nr. 893, datë 04.11.2015 “Për organizimin dhe funksionimin e Inspektoratit Kombëtar të Mbrojtjes së Territorit” i ndryshuar, Urdhrit të Kryeministrit nr. 22, datë 03.02.2020 “Për Miratimin e Strukturës dhe Organikës së Inspektoratit Kombëtar të Mbrojtjes së Territorit” i ndryshuar, si dhe Rregullores së Brendshme të IKMT, miratuar me Urdhrin e Ministrit nr. 424, datë 25.11.2020, si dhe në vijim të njoftimit për shpallje të datës 13.07.2026,

Inspektorati i Përgjithshëm shpall procedurën e pranimit të kandidatëve për jashtë sistemit të inspektimit, duke qenë se pas përfundimit të procedurës së lëvizjes paralele dhe ngritjes në detyrë nuk ka kandidatë të kualifikuar për pozicionin:

  1. POZICIONI VAKANT
  • Pozicioni: Përgjegjës Sektori, në Sektorin e Monitorimit dhe Analizës se Riskut
  • Struktura: Drejtoria e Inspektimit të Pyjeve
  • Institucioni: Inspektorati Kombëtar i Mbrojtjes së Territorit
  • Numri i vendeve vakante 1 (një)
  • Klasa III-2
  1. KRITERET E PËRGJITHSHME DHE TË POSAÇME

Kandidati duhet të plotësojë këto kritere:

  • Të jetë shtetas shqiptar;
  • Të kenë zotësi të plotë për të vepruar;
  • Të zotërojë gjuhën shqipe, të shkruar e të folur;
  • Të jetë në kushte shëndetësore që e lejojnë të kryejë detyrën përkatëse;
  • Të mos jetë i dënuar me vendim të formës së prerë për kryerjen e një krimi apo për kryerjen e një kundërvajtjeje penale me dashje;
  • Të mos ketë masë disiplinore largimi nga puna 5 vitet e fundit;
  • Të ketë aftësi shumë të mira komunikimi dhe prezantimi;
  • Të zotërojë Diplomë master shkencor/profesional me 120 kredite dhe me kohëzgjatje 2 vite, në shkencën e Inxhinierisë Pyjore;
  • Diplomat e marra jashtë vendit duhet të jenë të njehsuara sipas legjislacionit shqiptar në fuqi;
  • Kandidati duhet të ketë eksperiencë pune, në fushën e pyjeve, në administratën publike;
  • Të zotërojë njohuri të mira të legjislacionit në fushën e pyjeve dhe procedurave të inspektimit.
  • Të ketë aftësi për organizimin, drejtimin dhe koordinimin e punës së sektorit, si dhe për planifikimin e aktiviteteve të kontrollit dhe monitorimit.
  • Të ketë aftësi në hartimin e planeve të punës, raporteve analitike, informacioneve dhe dokumentacionit administrativ;
  • Të ketë aftësi drejtuese dhe vendimmarrëse, si dhe përvojë në menaxhimin dhe koordinimin e proceseve të punës.
  • Të ketë aftësi për të punuar nën presion, për të respektuar afatet dhe për të marrë vendime në përputhje me legjislacionin në fuqi.
  • Të ketë njohuri shumë të mira në përdorimin e programeve bazë kompjuterike (MS Office: word, Excel, PowerPoint).
  • Të ketë aftësi të sistemeve të informacionit gjeografik (GIS/GPS) për monitorimin e sipërfaqeve pyjore përmes satelitit apo hartave digjitale.
  • Preferohet të ketë trajnim dhe certifikime të ndryshëm në fushën e Pyjeve.
  • Preferohet të ketë njohuri shumë të mira të gjuhës angleze ose një gjuhe tjetër të BE-së.
  1. PËRSHKRIMI I PËRGJITHSHËM I DETYRËS
  • Kontrollon përditësimin e regjistrit të të dhënave statistikore, mbi aktivitetet e paligjshme në fondin pyjor, kullosor e atë të gjuetisë, me rubrikat dhe përmbajtjen përkatëse, procedime penale, zjarre në pyje e të tjera.
  • Ndjek korrespondencën e evidencave të sektoreve të inspektimit në pyje të Drejtorive Rajonale.
  • Kontrollon dokumentacionin dhe kontratat e të gjitha subjekteve që ushtrojnë aktivitet në fondin pyjor dhe kullosor në Republikën e Shqipërisë.
  • Kontrollon hartimin e strategjive dhe planeve operative nga organet e qeverisjes vendore në kuadër të parandalimit të zjarreve në pyje dhe kullota.
  • Hartojnë programin vjetor e mujor të kontrollit duke u mbështetur në metodologjinë e vlerësimit të riskut.
  • Kontrollon dokumentacionin për heqjen e sipërfaqes nga fondi pyjor dhe rehabilitimin e tij, nga subjektet që ushtrojnë aktivitet ekonomik në fondin pyjor e kullosor në pronësi shtetërore apo private.
  • Monitoron në mënyrë të vazhdueshme sistemin elektronik të monitorimit të pyjeve në Republikën e Shqipërisë.
  • Rakordon me inspektorët në Drejtoritë Rajonale dhe sektorët e tjerë, informacionin e konstatuar nga monitorimi i kamerave dhe informacione të ndryshme.
  • Mban kontakt të pandërprerë me inspektorët e Drejtorive Rajonale për mbarëvajtjet e zbatimit të ligjit në pyje, kullota dhe gjuetinë e paligjshme.
  • Përgjigjet për përgatitjen e raporteve paraprake periodike apo me kërkesë të Drejtorit, për gjendjen e pyjeve, kullotave, faunës së egër, gjuetisë dhe bimëve eterovajore në nivel kombëtar, bazuar në raportet e inspektimit dhe raportet e dërguara nga sektori përkatës i Drejtorisë Rajonale të IKMT – së.
  • Harton dhe ndjek realizimin e detyrave të parashikuara në planet mujore dhe vjetore të punës së sektorit, duke evidentuar problemet që dalin, si dhe sugjeron dhe propozon zgjidhje te eprorët e tij.
  • Përgatit programin vjetor të inspektimit mbi bazën e riskut, si dhe raportin vjetor të inspektimeve i cili i përcillet Drejtorit dhe Kryeinspektorit.

IV. DOKUMENTACIONI I NEVOJSHËM PËR APLIKIM

Kandidatët duhet të dorëzojnë:

  • Kërkesë me shkrim për aplikim;
  • Jetëshkrim i plotësuar sipas formatit europass;
  • Fotokopje të diplomës (përfshirë edhe listën e notave) e noterizuar. Për diplomat e marra jashtë
  • Republikës së Shqipërisë të përcillet njehsimi nga Ministria e Arsimit;
  • Fotokopje të letërnjoftimit (ID);
  • Vërtetim të gjendjes shëndetësore;
  • Vërtetim i Prokurorisë së Rrethit;
  • Vërtetim i Gjykatës së Rrethit të Shkallës së Parë;
  • Dëshmi Penaliteti;
  • Çdo dokumentacion tjetër, fotokopje të librezës së punës (të gjitha faqet që vërtetojnë eksperiencën në punë), vlerësimin e fundit nga eprori direkt, vërtetimin nga institucioni që nuk ka masë disiplinore në fuqi; trajnimet, kualifikimet, arsimin shtesë, gjuhë të huaj, vlerësimet pozitive apo të tjera të përmendura në jetëshkrimin tuaj.

V. AFATET DHE MËNYRA E APLIKIMIT

Dokumentet dorëzohen pranë Inspektoratit të Përgjithshëm, Adresa: Rr. “Muhedin Llagami”, Kompleksi Delijorgji, Godina MD Business, Kati 8, Tiranë. 

  • Afati i fundit: 02/08/2026

Rezultatet e Vlerësimit Paraprak

  • Shpallja e listës paraprake të kandidatëve që përmbushin kriteret dhe kërkesat e posaçme për procedurën nga jashtë sistemit 05/08/2026
  • Testimi me shkrim do të zhvillohet në datën 19/08/2026, ora 10:00 dhe Intervista me gojë do të zhvillohet në datën 19/08/2026, ora 12:00, pranë Inspektoratit të Përgjithshëm, me adresë: Rruga “Muhedin Llagami”, Kompleksi Delijorgji, Godina MD Biznes, Kati i 8, 1023, Tiranë.

VI. FUSHAT E TESTIMIT

Fusha e njohurive, aftësitë dhe cilësitë mbi të cilat do të zhvillohet testimi me shkrim:

  • Ligji Nr.99/2024, datë 12.09.2024, “Për Inspektimin në Republikën e Shqipërisë”
  • Ligjin nr. 44/2015 “Kodi i procedurave administrative i Republikës së Shqipërisë”;
  • Ligjin nr. 9131, datë 08.09.2003, “Për rregullat e etikës në administratën publike”;
  • Ligji 57/2020, datë 30.04.2020, “Për pyjet ne Republikën e Shqipërisë”, i ndryshuar
  • Ligji Nr.10120, datë 23.04.2009, “Për mbrojtjen e fondit të bimëve mjekësore, eterovajore, tanifere natyrore”, i ndryshuar
  • Ligji Nr.10 279, datë 20.05.2010, “Për Kundërvajtjet Administrative”
  • Ligji Nr.10 006, datë 23.10.2008 “Për mbrojtjen e faunës së egër”, i ndryshuar
  • Ligji Nr.81/2017, “Për zonat e mbrojtura”, i ndryshuar
  • Ligji Nr.10 253, datë 11.03.2010, “Për Gjuetinë”
  • Vendim Nr.604, datë 20.10.2021, “Për përcaktimin e fushës së përgjegjësisë shtetërore të Ministrisë së Brendshme”
  • Ligji Nr. 9693, datë 19.03.2007, “Për fondin kullosor”, i ndryshuar.

VII. MËNYRA E VLERËSIMIT TË KANDIDATËVE

Në vlerësimin e kandidatëve përfshihen:

  1. Testimi me shkrim, deri në 60 (gjashtëdhjetë) pikë;
  2. Intervista me gojë deri në 30 (tridhjetë) pikë;
  3. vlerësimi i dokumentacionit, vlerësimin e përvojës, të trajnimeve të lidhura me fushën e inspektimit dhe vlerësimin e rezultateve në punë 10 pikë;

Vijojnë takimet intensive të Inspektorit të Përgjithshëm, me Kryeinspektorët e inspektorateve shtetërore dhe drejtuesit e trupave inspektuese

Vijojnë takimet intensive të Inspektorit të Përgjithshëm, z. Dashnor Sula, me Kryeinspektorët e inspektorateve shtetërore dhe drejtuesit  e trupave inspektuese aktuale, të cilat do ti nënshtrohen ristrukturimit dhe riorganizimit të trupave inspektuese në inspektorate qendrore, në zbatim të ligjit për inspektimin nr. 99/2024.

Gjatë takimeve u theksua rëndësia e angazhimit të plotë të të gjitha strukturave aktuale dhe ministrive përgjegjëse në realizimin dhe finalizimin me sukses të kësaj reforme.

Ristrukturimi i inspektorateve ndodhet në një fazë delikate dhe vendimtare dhe për këtë qëllim  Inspektorati i Përgjithshëm, përmes ngritjes së grupeve të posaçme të punës, do të ofrojë të gjithë asistencën e nevojshme për të garantuar mbarëvajtjen e këtij procesi, për krijimin e strukturave optimale në ushtrimin sa më efektiv dhe eficient të veprimtarisë inspektuese.

Gjithashtu, u bë e ditur iniciativa e Inspektorit të Përgjithshëm për ngritjen e një grupi paralel pune, i cili do të punojë për harmonizimin e strukturave dhe lidhjen e pagave, me pozicionet e punës, me funksione inspektimi, në të gjitha inspektoratet qendrore, me përfaqësues nga Inspektorati i Përgjithshëm, ministritë e linjës dhe strukturat aktuale inspektuese.

Një rëndësi të veçantë pati ritheksimi i faktit se, nuk do të ketë asnjë tolerim në lidhje me zbatimin rigoroz të detyrimeve që parashikon ligji nr. 99/2024 “Për inspektimin në Republikën e Shqipërisë”  për të gjitha strukturat inspektuese. Zbatimi i plotë dhe i njëtrajtshëm i këtij ligji do të garantojë kalimin drejt një sistemi inspektimi të standardizuar, të dixhitalizuar dhe të planifikuar mbi bazë të analizës së riskut, duke rritur transparencën, efikasitetin dhe barazinë në trajtimin e subjekteve të inspektimit